Imyigaragambyo irakomeje muri Ukraine

Imyigaragambyo irwanya leta muri Ukraine Uwufise ububasha kw’isanamu AFP
Image caption Imyigaragambyo irwanya leta muri Ukraine

Abantu babarirwa mu bihumbi bongeye kwigabiza imihanda yo mu murwa mukuru wa Ukraine - Kiev - mu myigaragambyo irwanya leta.

Barasaba ko Perezida Viktor Yanukovych yegura.

Umunyamakuru wa BBC uri i Kiev aravuga ko abakuru b'abatavuga rumwe na leta basabye abari mu myigaragambyo kuyikora mu mahoro.

Ariko abenshi mu bigaragambya bambaye ingofero zikoze mu byuma n'ibitambaro bibahisha mu maso.

Birasa nkaho biteguye ibindi bikorwa by'urugomo.

Iyi myigaragambyo iraba hashize umunsi umwe ministri w'ububanyi n'amahanga wa Ukraine - Leonid Kozhara - n'umukuru w'abatavuga rumwe na leta - Vitali Klitschko - bateraniye amagambo mu nama mpuzamahanga ku mutekano yaberaga mu Budage.