Abaturage batangiye gusohoka Homs

  • 7 Ukwa kabiri 2014
Image copyright REUTERS
Image caption Abantu batangiye gusohoka mu mujyi wa Homs

Umugambi wo kuvana abaturage mu mujyi wa Homs wari warafashwe n'ingabo za leta watangiye muri Syria.

Bisi ya mbere yaritwaye abasaza n'abakecuru 12 yavuye muri uwo mujyi.

Ubu bari kuruhukira mu nzu iri mu mbuga y'umuyobozi w'intara.

Uwo muyobozi yavuze ko bisi imwe yindi ishobora kuvanayo abandi bantu uyu munsi, avuga ko hari imigambi myinshi yo gukura abantu muri uwo mujyi.

Amasezerano yo guhagarika imirwano iminsi itatu, yateguwe n’umuryango w’abibumbye, ashobora gutuma imfashanyo igezwa mu mujyi wa Homs kuri uyu wa gatandatu.

Abaturage bagera ku 2500 baheze muri uwo mujyi wibasiwe n'imirwano, hamwe n'amajana y'inyeshyamba.