Putin ashyigikiye ko Sisi 'yiyamamaza'

Umukuru w'ingabo za Misiri, Field Marshal Abdel Fattah al-Sisi Uwufise ububasha kw’isanamu Reuters
Image caption Umukuru w'ingabo za Misiri, Field Marshal Abdel Fattah al-Sisi.

Perezida w'Uburusiya, Vladmir Putin, yahuye n'umukuru w'igisirikare cya Misiri, Abdel Fattah al-Sisi uri mu ruzinduko muri icyo gihugu.

We n'abategetsi b'Uburusiya bagomba gushyira umukono ku masezerano arebana n'igurishwa ry'intwaro.

Nubwo bwose Bwana Sisi atari yatangaza ku mugaragaro ko aziyamamaza mu matora y'umukuru w'igihugu ataha, Perezida Putin yashimye icyo yise icyemezo cya kigabo cya Field Marshal Sisi cyo kwiyamamariza kuyobora Misiri.

Ayo masezerano biravugwa ko azakoreshwamo amafaranga azatangwa n'ibihugu by'inshuti za Misiri byo mu kigobe cy'Abarabu kubera ko ubukungu bwa Misiri bumaze imyaka itatu butameze neza.