Ukraine: abigaragambya bavuye mu mazu ya leta

Abigaragambya bavuye mu mazu y'ubutegetsi Uwufise ububasha kw’isanamu Reuters
Image caption Abigaragambya bavuye mu mazu y'ubutegetsi

Abakora imyigaragambyo irwanya leta muri Ukraine bahagaritse ibikorwa byabo byo kwigarurira amazu ya leta akomeye mu murwa mukuru Kiev.

Abatavuga rumwe na leta baravuga ko abigaragambya bavuye mu biro by'umukuru w'umujyi wa Kiev bari barigaruriye guhera mu kwezi kwa 12 k'umwaka ushize.

Kwigarurira amazu y'ubutegetsi ni kimwe mu bikorwa bakoraga mu myigaragambyo irwanya leta.

Hakurikijwe amasezerano bagiranye na leta kandi, abigaragambya banavanye igice kimwe cya za bariyeri ziri mu mihanda kugirango imodoka zishobore kugera mu mujyi rwagati.

Abakora imyigaragambyo kandi hari andi mazu y'ubutegetsi bavuyemo ari hanze ya Kiev.

Leta, ku ruhande rwayo, yarekuye mu cyumweru gishize zimwe mu mpirimbanyi ziyirwanya.