Misiri: urubanza rw'abanyamakuru ba Al Jazeera

Imyigaragambyo isaba ko abo banyamakuru barekurwa Uwufise ububasha kw’isanamu AFP
Image caption Imyigaragambyo isaba ko abo banyamakuru barekurwa

Abanyamakuru batatu bakorera televiziyo ya Al Jazeera uyu munsi bagejejwe imbere y'urukiko rwo mu murwa mukuru wa Misiri, Cairo.

Aba banyamakuru bararegwa ibyaha byo gutangaza amakuru y'ibinyoma no gutera inkunga ishyaka rya Muslim Brotherhood.

Ibyo byaha abo banyamakuru bari bambaye imyenda y'umweru babihakanye.

Umwe muri bo ukomoka mu gihugu cya Australia, Peter Greste, yasabye leta y'igihugu cye kumufasha.

Hari n'abandi bantu batanu bari kumwe nabo bareganwa hamwe.

Abanti 12 baraburanishwa badahari.

Urubanza rwamaganywe na benshi hirya no hino ku isi bavuga ko rubangamiye uburenganzira bwo kuvuga icyo umuntu ashatse.