Ikindi gitero cya Boko Haram cyahitanye 28

Uwufise ububasha kw’isanamu AFP
Image caption Intagondwa zo mu mutwe wa Boko Haram

Muri Nigeria abategetsi baravuga ko abarwanyi bo mu mutwe ugendera ku matwara akaze y'idini ya Islamu, wa Boko Haram, wateye umujyi umwe n'umurenge mu ntara ya Adamawa, mu majyaruguru y'igihugu.

Abaturage babwiye BBC ko byibura abantu 28 baguye muri ibyo bitero.

Bongeyeho ko izo ntagondwa zakoresheje amasaha zica abo bantu mbere y'uko ingabo zishinzwe umutekano zihagera.

Umunyamakuru wa BBC uri mu majyaruguru ya Nigeria yavuze ko icyo gitero cyagabwe n'intagondwa nyinshi, bamwe muri abo bari bitwaje grenade ziterwa na rocket.

Uyu munsi abakuru b'ibihugu bya Afrika na perezida w'Ubufaransa, François Hollande, bitabiriye inama, mu murwa mukuru Abuja, igamije kwiga ku kibazo cy'umutekano muri Afrika.