ICC: Katanga yahamijwe ibyaha n'urukiko

Geramain Katanga
Image caption Umunyecongo

Abacamanza bo mu rukiko mpuzamahanga mpanabyaha rukorera i La Haye mu Buholandi, ICC, bahamije ibyaha by'intambara n'ibyaha byakorewe inyokomuntu, Germain Katanga wari umuyobozi w'inyeshyamba zo muri Repubukika Iharanira Demokarasi ya Congo.

Urukiko rwahamije ko Germain Katanga yarazi uko ibyo byaha bikorwa harimo iby'ubwicanyi n'ubusahuzi mu gihe habaga ibitero mu 2003 mu burasirazuba bwa Congo.

Ariko urukiko rwamuhanaguyeho icyaha cyo gufata abagore ku ngufu no kugira ubucara bushingiye ku gitsina hamwe n'icyaha cyo gukoresha abana mu gisirikare.

Urubanza rwa Katanga rwabaye umwihariko kuko rwari rushingiye ku gitero kimwe gusa.

Bwana Katanga abaye umuntu wa kabiri uhamijwe ibyaha n'uru rukiko kuva aho rushingiwe mu myaka 12 ishize.