Urubanza rw'umukuru wa Muslim Brotherhood

Umukuru wa Muslim Brotherhood, Mohammed Badie Uwufise ububasha kw’isanamu AP
Image caption Umukuru wa Muslim Brotherhood, Mohammed Badie

Mu Misiri hatangiye urubanza rw'umukuru w'ishyaka rya Muslim Brotherhood - Mohammed Badie - n'abayoboke baryo 682.

Ku wa mbere urukiko rwari rwakatiye igihano cyo gupfa abandi bayoboke 528 b'iryo shyaka.

Barashinjwa ibyaha birimo kugira uruhare mu gitero cyagabwe ku nzu polisi ikoreramo mu mujyi wa Minya mu kwezi kwa munani k'umwaka ushize.

Abenshi mu baregwa ntibari mu rukiko kandi abategetsi baravuga ko Bwana Badie atazanywe mu rukiko kubera impamvu z'umutekano.

Uru rubanza rw'aba bayoboke benshi ba Muslim Brotherhood rubaye nyuma y'umunsi umwe uru rukiko rukatiye igihano cyo gupfa abandi bantu 528 bashyigikiye Mohammed Morsi wavanywe ku butegetsi n'igisirikare.

Abantu benshi bamaganye icyo gihano.

Umuryango w'abibumbye uravuga ko urwo rubanza runyuranije n'amategeko mpuzamahanga.