Anti-balaka gufatwa nk'imitwe y'abarwanyi

  • 26 Ukwa gatatu 2014
Ingabo zibungabunga amahoro muri Centreafrique

Umuyobozi w'ingabo zo mu muryango w'ibumbye w'Afrika zibungabunga amahoro muri Centreafrique yavuze ko kuva ubu anti-balaka izatangira gufatwa nk'abanzi barwana.

Iyo mitwe y'abakirisitu ikoresha intwaro mu kwicungira umutekano wabo.

Ibi Jean-Marie Michel Mokoko abivuze nyuma y'imirwano imaze iminsi yahitanye abantu bagera kuri 20.

Anti-balaka yakomeje kugaba ibitero byo kwihora ku bayisilamu nyuma y'aho umutwe w'inyeshyamba wiganjemo abayisilamu ufatiye ubutegetsi umwaka ushize.

Jenerali Mokoko yashinje kandi anti-balaka kugaba ibitero ku ngabo zibungabunga amahoro muri icyo gihugu, zifatanyije hamwe n'ingabo z'Ubufaransa kwambura ibirwanisho izo mpande zombi.

Hagati aho umukuru w'umuryango wita ku mbabare, Croix Rouge, Peter Maurer yagendereye Centreafrique mu ruzinduko rw'iminsi 3.