Amashusho mashya ku ndege yaburiwe irengero

Uwufise ububasha kw’isanamu AP
Image caption Indege ya Malaysia Airlines yaburiye irengero

Ubutegetsi bwa Malaysia buravuga ko amashusho ya satelite yerekanye ibice birenga 120 bavuga ko bishobora kuba byaraturutse kuri ya ndege yaburiwe irengero mu majyepfo y'inyanja y'Ubuhinde.

Ayo mashusho yatanzwe n'Ubufaransa yerekana ibintu bifite uburebure burenga metero 20.

Babonye ibyo bice ahantu hafite ubugari bugeze kuri kilometero kare 400 z'amazi.

Hagati aho amato abiri y'Ubushinwa akomeje kureba ikintu indege yabonye uyu munsi mu gitondo, nyuma y'aho ibikorwa byo gushakisha iyo ndege byatangiye nanone nyuma y'aho byasubikiwe kubera ko ikirere cyari kimeze nabi ejo kuwa kabiri.

Kugeza ubu iyo ndege yo muri sosiyete ya Malaysia Airlines, yaburiye irengero ibyumweru bibiri bishize, ntiraboneka.