Tymoshenko yatangaje ko aziyamamaza

Uwufise ububasha kw’isanamu AP
Image caption Yulia Tymoshenko yavuze ko aziyamamariza kuba perezida muri Ukraine

Uwahoze ari ministiri w'intebe n'umunyapolitike utaravugaga rumwe na leta yahozeho muri Ukraine, Yulia Tymoshenko, yatangaje ko ari kwitegura kwiyamamaza mu matora y'umukuru w'igihugu ateganijwe mu kwezi kwa gatanu.

Madamu Tymoshenko yafunguwe mu kwezi kwa kabiri nyuma y'aho uwahoze ari perezida muri icyo gihugu, Viktor Yanukovych, ahunze, hanyuma agahirikwa ku butegetsi n'inteko nshingamategeko.

Uyu mugore, wabaye ministiri w'intebe inshuro ebyiri, yatsinzwe na bwana Yanukovych n'amanota make cyane mu matora y'umukuru w'igihugu yabaye muri 2010.

Muri 2011 madamu Tymoshenko yarafunzwe aregwa gukoresha nabi umwanya w'ubutegetsi yari afite igihe yasinyaga amasezerano ya gaz n'Uburusiya muri 2009.

Hagati aho uyu munsi ikigo mpuzamahanga gishinzwe imari - IMF - cyavuze ko kizaguriza Ukraine hagati ya miliyari 14 na 18 z'amadolari.