Ibintu bishya mu gushakisha MH370

Uwufise ububasha kw’isanamu Getty
Image caption Ubushakashatsi bwa MH370 burakomeje

Hari ibintu bitaramenyekana byabonetse mu bushakashatsi bw'indege yo muri sosiyete ya Malaysia Airlines yaburiwe irengero nyuma y'aho ibikorwa byo kuyishaka byatangiye mu bindi bice by'inyanja y'Ubuhinde.

Abantu bari mu ndege ya gisirikare yo muri Nouvelle-Zélande bavuze ko babonye ibintu byinshi mu gice kiri mu majyepfo y'inyanja y'Ubuhinde, mu burasirazuba bwa Perth mu bilometero 1100 mu majyaruguru y'aho batangiye bashakira iyo ndege.

Ubwato buri gushakisha iyo ndege buravugwaho ko butazagera muri ako gace mbere y'ejo kuwa gatandatu.

Nyuma y'aho abakora iperereza bavuze ko iyo ndege yari ifite umuvuduko muremure kurusha uko byatekerezwaga, kandi ko amavuta ashobora kuba yarashize muri iyo ndege, bahise bahindura uko bakora ubushakashatsi.

Hashize hafi ibyumweru bitatu iyo ndege yaritwaye abantu 239 iburiwe irengero.