Obama yatembereye Arabie saoudite

Uwufise ububasha kw’isanamu AFP
Image caption Perezida Obama ahura n'umwami Abdullah wo muri Arabie saoudite

Perezida Barack Obama ari mu ruzinduko rugufi muri Arabie saoudite, aho agamije kwizeza icyo gihugu gikorana cyane n'Amerika muri ako karere.

Bwana Obama yakiriwe n'umwami Abdullah mu nzu ye iri mu butayu, hanze y'umurwa mukuru Riyadh, aho kajugujugu ikoresha iminota 30 ngo ihagere.

Umunyamakuru wa BBC aravuga ko umubano hagati y'ibyo bihugu byombi wononekaye kubera ikibazo cyo muri Syria, n'ibyo Arabie Saudite ibona nko kuba Amerika idakarira cyane Iran, igihugu gihangana na Arabie saoudite muri ako karere.

Hari kandi izindi mpungenge zuko kuba Amerika ikomeje kwigenga mu butunzi bw'itangangufu byatuma ihagarika imibanire yayo mu karere.