Habe amatora ya kamarampaka hose

Uwufise ububasha kw’isanamu AP
Image caption Uwahoze ategeka Ukraine, Viktor Yanukovych

Amakuru aturuka mu Burusiya aravuga ko uwahoze ari umukuru wa Ukraine, wahiritswe ku butegetsi, Viktor Yanukovych, yasabye ko buri ntara yo muri icyo gihugu ikora amatora ya kamarampaka kugirango berekane aho bashaka ko igihugu kigana.

Avuga mu kirusiya, bwana Yanukovych yavuze ko icyo gikorwa cyatuma igihugu kigarura umutekano, kandi ko byatuma Ukraine igumana ubusugire bwayo.

Ni bwo bwa mbere bwana Yanukovych yavuga kuva aho Crimea yiyeguriye ku Burusiya muri uku kwezi.

Hagati aho, perezida Barack Obama yasabye Uburusiya gukura ingabo ku mupaka na Ukraine, abasaba kandi no gutangira ibiganiro kugirango bakemure ibi bibazo.

Bwana Obama yavuze ko izo ngabo ziri ku mupaka kugirango zitere ubwoba Ukraine cyangwa se zigambirije ibindi bikorwa.