Medvedev yasuye Crimea

Uwufise ububasha kw’isanamu Reuters
Image caption Ministiri w'intebe w'Uburusiya, Dmitry Medvedev

Ministiri w'intebe w'Uburusiya, Dmitry Medvedev, yasuye Crimea, mu ruzinduko rwo mu rwego rwo hejuru kuva aho ako gace kiyeguriye ku Burusiya.

Bwana Medvedev yatangarije mu murwa mukuru, Simferopol, ko Uburusiya buzagira Crimea agace kadasanzwe k'ubukungu, ko imisoro izagabanywa, kandi ko bazarushaho kwihutisha no kworoshya imikorere kugirango abashoramari baze muri ako karere.

Yongeyeho kandi ko hagiye gushyirwaho ministeri izita ku bibazo birebana n'iterambere rya Crimea.

Uru rugendo rwa bwana Medvedev ruje nyuma y'ibiganiro hagati ya ministiri w'ububanyi n'amahanga w'Amerika, John Kerry, na mugenzi we w'Uburusiya, Sergei Lavrov.

Umunyamakuru wa BBC aravuga ko hatewe intambwe ngufi muri ibyo biganiro byabereye i Paris, mu Bufaransa.