Ubuhinde: Abafashe umugore ku ngufu bakatiwe

  • 4 Ukwa kane 2014
Umwe mu bagabo bakatiwe igihano kubera gufata umugore ku ngufu

Urukiko mu Buhinde rwakatiye igihano cy'urupfu abagabo 3 bafashe umunyamakuru ufotora ku ngufu.

Ibi bije nyuma y'itegeko rishya rihana abantu bakomeje gufata abagore ku ngufu.

Ni ubwa mbere iri tegeko ryashyirwa mu bikorwa.

Abo bagabo bahamijwe icyaha cyo gufata uwo munyamakuru mu mwaka ushize mu ruganda rw'imyenda rutagikora ruri mu mujyi wa Mumbai.

Abo bagabo kandi bari barahamijwe n'icyaha cyo gufata undi mugore ku ngufu muri urwo ruganda.

Izo manza zombi zatwaye amezi 7 mu rukiko rwihutisha imanza.

Ubuhinde bwakajije amategeko ahana ihohoterwa rishingiye ku gitsina mu mwaka ushize nyuma y'aho umunyeshuri w'umukobwa apfuye amaze gufatwa ku ngufu n'agatsiko kā€™abagabo ari muri bisi i Dehli muri 2012.

Byateje imyigaragambyo mu gihugu cyose.