Rurambikanye hagati y'imiryango gakondo mu Misiri

  • 5 Ukwa kane 2014
Leta yohereje igipolisi kugarura umutekano i Aswan Image copyright Reuters
Image caption Leta yohereje igipolisi kugarura umutekano i Aswan

Mu Misiri abantu byibura 18 baguye mu bwicanyi hagati y'imiryango gakondo ya Bani Hilal n'aba Nuba.

Inzego zishinzwe umutekano ziravuga ko iyo mirwano hagati y'abaturage bo mu mujyi wa Aswan uri mu majyepfo y'igihugu ikomeje kandi ko biteze ko umubare wabo yahitanye uza kwiyongera.

Iyi mirwano yatangiye nyuma yaho ibiganiro by'ubwiyunge hagati y'iyo miryango ibiri birangiye ntacyo bigezeho ku wa gatanu.

Urwangano mu miryango gakondo rurasanzwe mu mu majyepfo ya Misiri ariko bubaye ubwa mbere mu myaka myinshi ishize ibintu biba nabi cyane.