U Burundi bwahaye umukozi wa LONI amasaha 48

Perezida Nkurunziza w'u Burundi Uwufise ububasha kw’isanamu Gahuza
Image caption Perezida Nkurunziza w'u Burundi

Leta y' Uburundi yahaye Paul Dobbie, umujyanama ushinzwe umutekano mu biro by'umuryango w'abibumbye mu Burundi, kuba avuye muri icyo gihugu mu masaha 48.

Ibaruwa imumenyesha icyo cyemezo iri ku rubuga rwa Twitter rwa perezidansi y'u Burundi iravuga ko uwo mugabo azira kugeregeza guhungabanya umutekano wa leta.

Ababikurikiranira hafi baremeza ko Paul Dobbie azize icyegeranyo cya LONI giherutse gusohoka ariko bitari ku mugaragaro cyavugaga ko LONI ifite ibimenyetso byemeza hari intwaro zahawe "imbonerakure," insoresore z'ishyaka riri k'ubutegetsi, CNDD FDD.

Leta y'u Burundi yahakanye yivuye inyuma ko hari intwaro zantanzwe.

Kuwakabiri, Visi Perezida w'u Burundi, Prosper Bazombanza, yasabye LONI gutanga ibimenyetso cyangwa se ikavuguruza icyo cyegeranyo.