Impanuka ya gari ya moshi yahitanye abantu muri RDC

Lambert Mende yavuze ko hari impungege ko abahitanywe n'iyo mpanuka ushobora kwiyongera Uwufise ububasha kw’isanamu AFP
Image caption Lambert Mende yavuze ko hari impungege ko abahitanywe n'iyo mpanuka bashobora kwiyongera

Gari ya moshi itwara imizigo yagiriye impanuka mu majyepfo y'Uburasirazuba bwa Repubulika iharanira demokarasi ya Congo, abantu byibura 60 bahasiga ubuzima naho abandi barenga 80 barakomereka.

Hari amakuru avuga ko hari abantu bayihezemo. Abategetsi baravuga ko iyo gari ya moshi - yari irimo ibicuruzwa n'abantu - yatereye inzira yayo hafi y'umujyi wa Kamina mu ntara ya Katanga.

Umutegetsi wo muri iyo ntara yavuze ko iyo gari ya moshi yihutaga cyane kandi ko yari irimo abantu benshi ku buryo hari n'abari bari hejuru yayo nubwo bwose yagenewe gutwara imizigo.

Umuvugizi wa leta ya Congo, Lambert Mende, yavuze ko igipolisi gifite impungenge ko umubare w'abahitanywe n'iyo mpanuka ushobora kwiyongera.

Yavuze kandi ko iperereza ryatangiye kugirango icyateye iyo mpanuka kimenyekane.