Boko Haram yerekanye amashusho mashya

Uwufise ububasha kw’isanamu AFP
Image caption Abakobwa Boko Haram ivuga ko aribo bashimuswe

Umutwe w'abarwanyi bagendera ku matwara akaze y'idini rya Islam, Boko Haram, washyize ahagaragara amashusho mashya ya videwo yerekana abana b'abakobwa barenga 100.

Abo bana nibo bacyekwaho kuba barashimuswe n'uwo mutwe mu byumweru 4 bishize.

Muri iyo videwo, umuyobozi w'uwo mutwe, Abubakar Shekau, yemeje ko abo bana ari abanyeshurikazi baburiwe irengero, avuga ko bazarekurwa niba abantu bo muri Boko Haram bafashwe na leta barekuwe.

Yongeyeho ko abo bakobwa, bari bambaye imyenda ibatwikiriye hose muri iyo videwo, bahinduye idini bakaba abayisilamu kuva bafatwa.

Aba bakobwa bashimutiwe mu ishuri riri mu mujyi wa Chibok, mu majyaruguru y'uburasirazuba bwa Nigeriya.