ICC yakatiye Katanga

Image caption Germain Katanga amaze imyaka 6 afungiye mu Buholandi

Urukiko mpuzamahanga mpanabyaha rw'i La Haye rwakatiye Germain Katanga igifungo cy'imyaka 12 kubera ibyaha by'intambara.

Bwana Katanga, wahoze ari umuyobozi w'inyeshyamba muri Repubulika Iharanira demokarasi ya Congo, amaze imyaka 6 muri gereza, igihe kizagabanywa muri iki gifungo cye.

Mu kwezi kwa 3, Germain Katanga yahamijwe no kuba yaragize uruhare mu bwicanyi bw'abaturage babarirwa mu magana muri Ituri, mu agace gafite ubukungu bwa zahabu nyinshi mu majyaruguru y'uburasirazuba bwa Congo imyaka 10 ishize.

Umucamanza yavuze ko inyeshyamba zateye abaturage, zibaca ibice by'umubiri mbere yo kubica mu mugambi wo kurimbura umurenge wose.