Perezida Jacob Zuma yarahiye

  • 24 Ukwa gatanu 2014
Ishyaka rya ANC ryegukanye amajwi arenga 60% mu matora aherutse Uwufise ububasha kw’isanamu Reuters
Image caption Ishyaka rya ANC rya Jacob Zuma ryegukanye amajwi arenga 60% mu matora aherutse.

Perezida Jacob Zuma yarahiriye gukomeza kuyobora Afurika yepfo mu myaka itanu iri imbere.

Abantu babarirwa mu bihumbi bamushyigikiye bari bafite amabendera y'igihugu bamuhaye amashyi menshi mu gihe indege za gisirikare zakoraga akarasisi mu kirerere.

Uwo muhango wo kurahira wari witabiriwe n'abakuru b'ibihugu 20.

Mu ijambo yavuze, Perezida Zuma yasezeranije abaturage b'igihugu cye ko leta ayoboye igiye guteza imbere ubukungu no kubonera abantu akazi.

Ishyaka rya ANC rya Perezida Zuma mu kwezi gushize abaturage bongeye kurigirira icyizere maze ribona amajwi arenga 60% mu matora y'abadepite.

Abanenga Jacob Zuma bo bavuga ko imyaka itanu amaze ku butegetsi yaranzwe na ruswa no gusubira inyuma ku bukungu.