EU: Amatora mu muryango w'ubumwe bw'uburayi

Amatora mu burayi Uwufise ububasha kw’isanamu Getty
Image caption Inteko nshingamateka

Hari ibiganiro ku butegetsi bushya mu muryango w'ubumwe bw'ibihugu by'Uburayi, nyuma y'intsinzi y'amashyaka akundwa na benshi mu matora y'inteko ishinga amategeko ihuriwemo n'ibihugu makumyabiri n'umunani (28).

Amashyaka yatsinze yavuze ko yifuza guhindura byinshi, ariko nubwo babonye amajwi menshi, ayo mashyaka - menshi arwanya uyu muryango - aracyafite umubare muke mu nteko yiganjemo abashyigikiye uyu muryango.

Ariko umunyamakuru wa BBC aravuga ko hari byinshi bizahindura uko ibintu bisanzwe bikorwa, kandi ko hashobora kuba ubwumvikane bucye ku muyobozi mushya w'uwo muryango igihe abakuru b'ibihugu biri muri uyu muryango bazahura ejo kuwa kabiri.

Abarwanya umuryango w'ubumwe bw'ibihugu by'uburayi babonye intsinzi mu matora y'inteko ishinga amategeko y'uwo muryango, ariko abashyigikiye uwo muryango baracyafite ubwiganze mu nteko.

Ibyavuye muri aya matora ariko bishobora gutuma abawurwanya bagabanya ububasha bwawo.

Hagati aho amashyaka y'abahezanguni mu Bufaransa no mu Bwongereza, National Front na UKIP babonye amajwi menshi muri ibyo bihugu.

Mu bihugu byinshi byo mu burayi, amashyaka ashyigikiye umuryango w'ubumwe bw'uburayi niyo ari imbere. Umushikiranganji wa mbere w'Ubudage, Angela Merkel, yavuze ko ababajwe n'iyo ntsinzi y'abahezanguni.

Abanyamakuru baravuga ko abantu benshi banze gutora abari basanzwe ku butegetsi kandi ko benshi badashyigikiye abimukira.