US: Obama kuri politike y'Amerika mu mahanga

Umukuru w'Amerika Uwufise ububasha kw’isanamu AP
Image caption Barack Obama

Perezida wa Leta zunze ubumwe z'Amerika, Barack Obama, yatangaje uko abona ibihe biri imbere muri politiki y'ububanyi n'amahanga y'Amerika.

Perezida Obama yavuze ko igihe cyose Amerika igomba kuba iri imbere ku isi, ariko ko ibikowa by'igisirikare bitagomba kuba aribyo byo nyine ngenderwaho mu buyobozi.

Bwana Obama yavuze kandi ko gukorana n'ibindi bihugu bishobora nabyo kugera icyo bigeraho, avuga ko buri kibazo kidagomba gucyemurwa n'ingufu za gisirikare.

Bwana Obama yavuze kandi ko iterabwoba rikomeje kuba ikibazo cya mbere kibangamiye umutekano w'Amerika.

Umunyamakuru wa BBC aravuga ko aya magambo agerageza gusubiza abavuga ko bwana Obama yakomeje kwitwara buhoro mu bibazo bya politiki, cyane cyane muri Siriya na Ukraine.

Umushikiranganji w'imibano n'amahanga w'Amerika, John Kerry yari yavuze ko leta ye igiye gushyiraho amafaranga afite agaciro ka miliyaridi eshanu z'Amerika, yo gufasha ibihugu mu kurwanya ibikorwa by'abahezanguni.

Avugira mu kiganiro cyo kuri Television CBS kitwa "This Morning programme", bwana Kerry yavuze ko uwo mugambi uzafasha Amerika gukwirakwiza ubushobozi bwo kurwanya abaterabwoba hirya no hino kw'isi.