Abdel el-Sisi yatsinze amatora mu Misiri

  • 29 Ukwa gatanu 2014
Abdel-Fattah el-Sisi yatsinze amatora mu Misiri
Abdel-Fattah el-Sisi, Prezida mushya wa Misiri

Uwahoze ari umukuru w’ingabo mu Misiri, Abdel-Fattah el-Sisi, yatsinze amatora y’umukuru w’igihugu n’amajwi menshi.

Ibitangazamakuru bigenzurwa na Leta byavuze ko amajwi y’agateganyo yerekanye ko yabonye arenga 90% by’abatoye.

N’ubwo hashyizweho undi munsi w’inyongera w’amatora, hagatangwa amatike y’ubuntu ya gari ya moshi, n’ikiruhuko rusange, ubwitabire mu matora buragereraywa ku kigero kiri munsi ya 45%.

Umutwe wa Muslim Brotherhood n’indi itaremerewe kwiyamamaza, banze kwitabira itora.

Umunyamakuru wa BBC i Cairo aravuga ko perezida mushya azasanganizwa ubukungu bwazahaye, urugero ruto rw’abarwanya Leta n’igihugu cyacitsemo ibice cyane.