Ukraine: Inyeshyamba zahanuye kajugujugu

  • 29 Ukwa gatanu 2014
Muri Slovyansk Image copyright sergey esipov
Image caption Kajugujugu yahanuwe

Abashyigikiye Uburusiya barwanya leta ya Ukraine mu burasirazuba bw'igihugu bahanuye kajugujugu ya gisirikare yaririmo abasirikare 14 barimo n'umujenerali.

Iyo kajugujugu yarijyanye abasirikare ku kigo kiri hafi y'ibirindiro by'inyeshyamba biri mu mujyi wa Slovyansk igihe iyo mirwano yabaga. Habaye imirwano ikomeye hagati y'abasirikare ba leta n'inyeshyamba zishyigikiye Uburusiya zishaka ubwigenge.

Umukuru wa Ukraine uherutse gutorwa yari yavuze ko bazakomeza ibikorwa byo gusenya ibyo yise ibice byafashwe n'impirimbanya z'amabandi.

Hagati aho ariko biravugwa ko ibiganiro bikomeje kuba hamwe n'umutwe w'izo nyeshyamba ziri muri Slovyansk kugirango barebe ko babohoza abagenzuzi 4 bo mw'ishami rishinzwe umutekano mu muryango w'uburayi, OSCE, bashimuswe.