DRC: Abaguzi banze ubucuruzi n'abarwanyi

Uwufise ububasha kw’isanamu BBC World Service
Image caption Hamwe mu birombe by'amabuye y'agaciro muri Congo

Ubushakashatsi bushya burerekana ko amategeko agenga abaguzi muri Amerika yatumye ubucuruzi bw'amabuye y'agaciro aturuka muri Republika iharanira demokarasi ya Congo buhindika.

Buravuga ko abakuru b'imitwe yitwaje ibirwanisho bata ibirombe by'amabuye y'agaciro muri icyo gihugu.

Mu myaka 4 ishize, amasosiyete yo muri Amerika yategetswe gutanga icyemezo kigaragaza ko ibyo akoresha bikomoka ku mabuye nka tantalum akoreshwa muri telefoni na mudasobwa ngendanwa bituruka mu turere tutavugwamo intambara.

Umuryango utegamiye kuri leta, Enough Project, ufite icyicaro muri Amerika uravuga ko wasanze abantu bitwaje intwaro ubu barataye bibiri bya gatatu by'ibirombe muri Congo kubera ko abaguzi banze gukorana nabo.

Uyu muryango kandi uravuga ko abakozi bo mu birombe basigaye bahembwa neza.