Igipolisi ca Kenya cafashe abakekwa gutera

David Kimaiyo avuga ko abakekwa gutera bariko barafatwa Uwufise ububasha kw’isanamu AFP
Image caption David Kimaiyo avuga ko abakekwa gutera bariko barafatwa

Umukuru w'igipolisi ca Kenya avuga ko hari abantu bamaze gufatwa bakekwa kugaba ibitero bibiri mu micungararo ya Mpeketoni.

Umukuru w'igipolisi, David Kimaiyo, yavuze ko umwe mu bafashwe yagirizwa gukoresha urubuga nkoranyambaga mu kuvuga ko umugwi wa ki Islam, Al Shabaab ariwo wagavye ivyo bitero.

Umukuru w'igihugu wa Kenya, Uhuru Kenyatta, yarahakanye ko ari Al Shabab, yagavye ivyo bitero, vyahitanye abantu barenga mirongo itandatu.

Yavyegetse ku bategetsi bo muri ako karere, avuga ko bwari ubwicanyi bwateguwe neza bufatiye ku moko.