Misiri: John Kerry yageze i Cairo

  • 22 Ukwa gatandatu 2014
Umunyamabanga mukuru w'Amerika
John Kerry

Umushikiranganji w'imibano n'amahanga w'Amerika John Kerry ari i Cairo mu Misiri guhura n'umukuru w'igihugu mushya, Abdul Fattah al-Sisi.

Niwe mutegetsi mukuru w'Amerika wa mbere usuye Misiri kuva aho uwo mugabo wahoze ayoboye igisirikare akanahirika ubutegetsi bwa Mohammed Morsi, atorewe kuyobora igihugu mu kwezi gushize.

Abategetsi b'Amerika baravuga ko bwana Kerry azasaba Prezida Sisi gushyira abantu bose mu rubuga rwa politike no kugera kw'ishyaka ryahagaritswe rya Muslim Brotherhood.

Bwana Kerry azanavuga ikibazo cy'abarwanashyaka ba Muslim Brotherhood bakatiwe igihano cy'urupfu ari benshi, anasabe irekurwa ry'abanyamakuru.

Bwana Kerry yagabishije ibihugu bifasha imitwe nka ISIS irwana muri Iraq.

Umushikiranganji w'imibano n'amahanga w'Amerika yavuze ko ubwo butumwa azabushyira ibihugu byose azagenderera muri iki cyumweru byo mu karere k'uburasirazuba bwo hagati.

Bwana Kerry yatangaje ko Amerika yarekuye amadolar y'Amerika arenga icyakabiri cya miliyaridi agenewe inkunga ya gisirikare bari barahagaritse kuva aho igisirikare gihirikiye ubutegetsi bwa Prezida Mohammed Morsi umwaka ushize.