Iraq: Inyeshyamba zigeze mu ntara ya Anbar

Imirwano muri Iraq
Image caption Impirimbanyi za ISIS

Impirimbanyi z'abaSunni zafashe utundi duce mu ntara ya Anbar iri mu burengerazuba bw'igihugu. Abashinzwe umutekano baravuga ko umujyi wa Rutba waguye mu maboko y'inyeshyamba.

Uwo mujyi wari ahantu hakomeye, ku muhanda munini uri hagati ya Baghdad n'umupaka wa Jordan. Umuvugizi w'inyeshyamba yabwiye BBC ko bafite umugambi wo kwigarurira intara yose ya Anbar.

Iyo ntara niyo nini kurusha izinda muri Iraq ikaba ituwemo cyane n'abaSunni. Izo nyeshyamba ziravuga kandi ko zigambiriye gufata umurwa mukuru wa Baghdad.

Ariko ku rundi ruhande ibitero by'indege za gisirikare cy'ingabo za leta byahitanye ibintu byinshi mu mujyi wa Tikrit uri mu majyaruguru ya Baghdad.

Abategetsi baravuga ko byahitanye impirimbanyi 40 ariko andi makuru atangwa n'ababibonye aravuga ko byaturikije station icuruza ibitoro, bikanica n'abaturage.

Kuwa gatatu leta ya Iraq yari yasabye Amerika kuyifasha mubitero by'indege ariko abahinga bavuga ko ibyo bitero byahitana abaturage benshi kuko izo mpirimbanyi zo mu mutwe wa ISIS zimaze kwifatanya n'indi mitwe hamwe no kwivanga n'abaturage.