Meriam Ibrahim yarekuwe

Image caption Urukiko rwategetse ko Mariam Ibrahim, hano n'uwo bashakanye, arekurwa

Urukiko rwo muri Sudani rwategetse ko umugore wari warakatiwe igihano cy'urupfu mu kwezi gushize kubera ko yahakanye idini rya Islam, arekurwa.

Amahanga yakomeje kwamagana igihano cy'urupfu Meriam Ibrahim yari yakatiwe.

Uyu mugore kandi yari yakatiwe gukubitwa inkoni 100 mu byo urukiko rwise icyaha cyo gusambana kubera ko yashakanye n'umugabo w’umukirisitu.

Meriam Ibrahim yabyariye umwana w'umukobwa muri gereza.

Umuburanira yabwiye BBC ko uyu mugore yarekuwe, kandi ko yari mu nzira ajya kumureba.

Mu kwezi kwa 5, Ubwongereza bwahamagaje uwungirije uhagarariye Sudani mu Bwongereza mu gikorwa cyo kwamagana ibi bihano.