FIFA yahaye Luis Suarez ibihano

Uwufise ububasha kw’isanamu AP
Image caption Suarez yahawe ibihano kubera kuruma Chiellini

Luis Suarez yahawe igihano cyo kudakina imikino mpuzamahanga 9 kubera kuruma umukinnyi w'ikipe y'Ubutaliyani mu mukino wayihuje na Uruguay ku wa 2.

Ishyirahamwe ry'umupira w'amaguru ku isi - FIFA - ryanahanishije uyu mukinnyi w'ikipe y'umupira w'amaguru y'igihugu cya Uruguay, kandi kutagira ikindi kintu cyose akora kirebana n'umupira w'amaguru mu gihe cy'amezi 4.

Ibi bivuze ko uyu mukinnyi w'icyamamare - ufatwa nka bamwe mu bakinnyi bibihangange ku isi - atazakinira Uruguay mu mikino ya nyuma y'irushanwa ry'igikombe cy'isi.

FIFA yanamuciye kandi amande y'amafaranga arenga ibihumbi 100 by'amadolari kubera imyifatire mibi.

Ibi bihano bivuze ko Suarez - ukinira Liverpool - atazakina imikino ya mbere y'irushanwa ryo mu Bwongereza, Premier League.

Bivuze kandi ko uyu rutayizamu atazakina mu irushanwa ry'igikombe cy'umugabane w'Amerika.