Ukraine ikomeje umugambi wo guhagarika imirwano

Uwufise ububasha kw’isanamu AFP
Image caption Perezida Petro Poroshenko akomeje kwiga uko imirwano yahagarikwa muri Ukraine

Perezida wa Ukraine, Petro Poroshenko, yavuze ko atekereza kongera iminsi 3 ku gihe cyari cyarashyizweho cyo guhagarika imirwano mu burasirazuba bw'igihugu.

Iri hagarikwa ry’imirwano ryari riteganijwe kurangira uyu munsi kuwa gatanu, nubwo imirwano yakomeje hirya no hino muri iyo ntara.

Abayobozi bo mu muryango w'ibihugu by'Uburayi bahaye Uburusiya umunsi ntarengwa wo kuwa mbere, kuba bwahinduye imigambi ya politike yabwo muri Ukraine, cyangwa bugafatirwa ibindi bihano bikomeye.

Perezida w'Uburusiya, Vladimir Putin, yasabye ko hashyiwaho umugambi urambye wo guhagarika imirwano kugirango hagirwe ibiganiro by'amahoro hagati ya leta ya Ukraine n'inyeshyamba zishyigikiye Uburusiya ziri mu burasirazuba bw'igihugu.

Ishami ry'umuryango w'abibumbye ryita ku mpunzi, HCR, ryavuze ko abantu barenga ibihumbi 160 bavanywe mu byabo n'iyi mirwano kuva uyu mwaka watangira.