Inama mpuzamahanga kuri Ebola

Ebola imaze guhitana abantu hafi 470 muri Afuria y'uburengerazuba Uwufise ububasha kw’isanamu AFP
Image caption Ebola imaze guhitana abantu hafi 470 muri Afuria y'uburengerazuba.

Abaminisitiri b'ubuzima bo mu bihugu byo muri Afurika y'uburengerazuba bari mu nama i Accra muri Ghana igamije gushaka ukuntu icyorezo cy'indwara ya Ebola muri ako karere cyahagarara.

Iyi nama yatumijwe n'ishami rya ONU ryita ku buzima, OMS, ibaye mu gihe mu cyumweru gishize habonetse abandi bantu 22 banduye iyo ndwara.

Benshi muri abo babonetse muri Sierra Leonne kurusha muri Guinee aho iyo ndwara yabonetse bwa mbere muri ako karere.

Abaganga bahanganye n'iyo ndwara baravuga ko imaze guhitana abantu hafi 470.

Baravuga ko ubwoba abantu bafite bwo kuyandura ndetse no kudashaka kuyivuza ku bayanduye ari inzitizi zikomeye mu rugamba rwo kugerageza kuyikumira.

Usibye abaministri b'ubuzima bo mu bihugu 11 bo muri Afurika y'uburengerazuba, iyi nama yitabiriwe kandi n'abakize iyo ndwara ndetse n'abahagarariye amasosiyete y'indege n'amasosiyite acukura amabuye y'agaciro.