Abantu ibihumbi bari mu myiyerekano i Nairobi

  • 7 Ukw’indwi 2014
Raila Odinga avuga ko kuronka akazi ka leta bisaba kuba uzwi
Image caption Raila Odinga avuga ko kuronka akazi ka leta bisaba kuba uzwi

Ibihumbi vy'abantu bashigikiye abatavuga rumwe na leta ya Kenya bahuriye mu myiyerekano ku murwa mukuru Nairobi.

Uwahoze ari umushikiranganji wa mbere, Raila Odinga, niwe yahamagaje iyo myiyerekano mu kibanza ca Uhuru Pak.

Ngo biyamiriye ibitagenda mu mutekano mu gihugu, ibura ry'akazi, ikimenyane mu gutanga akazi ka leta hamwe no gutora umugwi ujejwe amatora.

Bwana Odinga, yatsinzwe amatora mu mwaka uheze, yagirije umugwi ujejwe amatora kuba warahinduye ivyavuye mu matora.

Ingingo yafashwe ku munota wa nyuma na sentare nkuru, niyo yatumye iyo myiyerekano ishobora kuba.

Igipolisi carashe ivyuka bikoroza amarira ku rwaruka rwariko rurigaragamvya rutera amabuye.