LONI itewe impungenge na Centreafrique

Image caption Abantu benshi bakomeje guhunga imirwano muri Centreafrique

Ishami rya ONU ryita ku mpunzi, HCR n'iryita ku biribwa PAM, yagabishije amahanga ko yibagiwe ikibazo cyo muri Repubulika ya Centrafrique.

Ayo mashami yombi aravuga ko akeneye byihutirwa inkunga kugirango ashobore gukora ibikorwa byayo muri Centrafrique.

HCR iravuga ko imaze kubona imibare y'impunzi zigera muri Cameroun, yiyongera.

Inyinshi muri izo mpunzi zirerekana ukuntu zashyizwe ku ngoyi.

Abana bafite ikibazo cyo kutabona indyo ihagije, ku buryo bagera ku bigo by'impunzi bagiye kunogonoka.

Ibiganiro bigamije guhagarika imirwano - biri kubera muri Repubulika ya Congo - byasubitswe nyuma y'aho abahagarariye umutwe wahoze ari uwi nyeshyamba, Seleka, wananiwe kubyitabira.