Inama yo guhagarika ikatwa ry'ibice by'ibitsina

  • 22 Ukw’indwi 2014
Image caption Inama igamije kwamagana ikatwa ry'ibice by'ibitsina by'abagore yateraniye mu Bwongereza

Ministiri w'intebe w’Ubwongereza, David Cameron, yavuze ko ashaka kurandura burundu ibikorwa by'ikatwa ry'ibice by'ibitsina by'abagore no gushyingira abakobwa bakiri abana.

Avugira imbere y'inama, Girl Summit, yateguwe mu bufatanye bw'Ubwongereza n'ishami ry'umuryango w'abibumbye ryita ku bana, UNICEF, bwana Cameron yavuze ko ibikorwa nk'ibyo byamaganywe n'isi.

UNICEF iravuga ko ubu hari abagore bagera kuri miliyoni 700 barongowe batarageza ku myaka 18.

UNICEF yakomeje kuvuga ko abakobwa n'abagore barenga milliyoni 130 muri Afurika no mu karere ko mu burasirazuba bwo hagati bakaswe ibice by'ibitsina byabo.

Mbere y’aho, leta y'Ubwongereza yatangaje itegeko rishya rizakurikirana ababyeyi mu Bwongereza bananirwa guhagarika ko abana babo b’abakobwa bakatwa ibice by'ibitsina.