Amalaha yatahuweho gukoresha imiti yongera ingufu

Chika Amalaha yari yatsindiye umudali wa zahabu Uwufise ububasha kw’isanamu AFP
Image caption Chika Amalaha yari yatsindiye umudali wa zahabu

Ku munsi wa gatandatu w'imikino ya Commonwealth i Glasgow, umunyanijeriyakazi Chika Amalaha wari watwaye umudali wa zahabu mu guterura ibiremereye yatahuweho kuba yarakoresheje imiti yongera imbaraga mu mubiri.

Yabaye rero yirukanywe muri iyo mikino.

Amalaha yari yatwaye umudali wa mbere wa zahabu wa Nigeria muri iyo mikino ibera i Glasgow muri Scotland mu cyumweru gishize mu guterura ibiro 53.

Ariko rero ibizamini bisanzwe yakoreweho akimara gutsindira uwo mudali byerekanye ko yakoresheje imiti itemewe n'amategeko yongera imbaraga mu mubiri.

Uyu mukobwa w'imyaka 16 y'amavuko ni we mukinnyi wa mbere utahuweho gukoresha iyo miti muri iyi mikino.

Icyaha cyo gukoresha iyo miti nicyemezwa, azamburwa uwo mudali kandi ashobora no guhagarikwa gukina igihe kirekire.