Uburayi bwafatiye ibindi bihano Uburusiya

Uburusiya burashinjwa gutera inkunga inyeshyamba zo muri Ukraine Uwufise ububasha kw’isanamu Reuters
Image caption Uburusiya burashinjwa gutera inkunga inyeshyamba zo muri Ukraine

Umuryango w'ubumwe bw'ibihugu by'Uburayi wafatiye Uburusiya ibihano bikaze kubera inkunga buha inyeshyamba zirwanya leta muri Ukraine.

Icuruzwa ry'intwaro rizahagarikwa, hazagabanywa kandi ibikoreshwa mu ikoranabuhanga rirebana n'ibitanga ingufu z'amashanyarazi kandi n'amwe mu mabanki ya leta y'Uburusiya azirukanwa ku masoko mpuzamahanga y'imali yo mu Burayi.

Biravugwa kandi ko abandi bantu bakoranira bya hafi na Perezida Vladmir Putin umutungo wabo uzafatirwa kandi banabuzwe gutembera mu bihugu bigize uwo muryango.

Ibi bihano birasa nkaho bigiye guhita bishyirwa mu bikorwa.

Leta zunze ubumwe za Amerika nazo zavuze ko zigiye gufatira Uburusiya ibihano nkibyo.