Inzego z'ubuvuzi za Liberia zarengewe na Ebola

Ebola imaze guhitana abantu hafi 1000 muri Afurika y'uburengerazuba Uwufise ububasha kw’isanamu AP
Image caption Ebola imaze guhitana abantu hafi 1000 muri Afurika y'uburengerazuba.

MSF iravuga ko minisiteri y'ubuvuzi muri Liberia yarengewe kubera indwara ya Ebola ivugwa muri icyo gihugu.

Umuryango utanga imfashanyo ku bari mu kaga, MSF (Medecins Sans Frontieres), uravuga ko minisiteri y'ubuvuzi muri Liberia yarengewe kubera indwara ya Ebola.

Umushingwabikorwa wawo, Lindis Hurum, yavuze ko iyo minisiteri yirengagije ubukana bw'iyi ndwara.

Ku wa gatandatu, igipolisi gihosha imvururu cyatatanyije imyigaragambyo yamaganaga ukuntu leta yitwaye muri iki kibazo.

Igihugu cya Espagne cyatangaje ko umupadiri wanduriye Ebola muri Liberia agiye kuvurirwa mu bitaro by'i Madrid hakoreshejwe umuti urimo kugeragezwa witwa Zmapp.

Uwo muti wakoreshejwe muri Leta zunze ubumwe z'amerika ku bakozi b'abanyamerika babiri batanga imfashanyo bayanduye maze batangira kworoherwa.

Abantu bagera hafi ku 1000 nibo bamaze guhitanwa na Ebola muri Afurika y'uburengerazuba.