Umugabo yakekwako Ebola mu Rwanda ntayo afite

  • 12 Ukw’umunani 2014
Image caption Uburyo bwo gupima ubushuhe ku muntu atawurinze kumwegera

Umuyobozi w'ishyami rishinzwe kurwanya indwara z'ibyorezo mu kigo cy'igihugu cy'ubuzima Thierry Nyatanyi avuga ko ibipimo by'amaraso y'uwo mugabo, byagaragaje ko nta Ebola imurangwaho.

Ivyo bipimo byari byoherejwe mu gihugu c'Ubugande, byatangiwe ibisubizo uyu munsi mu gitondo.

Kubera ko yari yashizwe mu kato, yahise arekurwa arataha, kimwe n'abandi bose bari bahuye nawe barimo abaganga b'aho yari yagiye kwivuriza.

Uyu mugabo yari yakesweho iyi ndwara ubwo yajyaga kwa muganga ibyuma bikagaragaza ko ibipimo by'umubiri we bifite ubushyuhe budasanzwe.

Umuriro ni kimwe mu bimenyetso by'indwara ya Ebola.

Iyi nkuru y'uko uyu muntu wakekwagaho indwara ya Ebola basanze atariyo ishobora gutuma benshi biruhutsa, kubera ubwoba yari yateye mu bantu.

Cyakora nk'uko bitangazwa n'inzego z'ubuzima mu Rwanda, ngo ibi ntibyatuma barera amaboko.

Gahunda yo gupima abantu bose binjira mu Rwanda irakomeje, ndetse no gukangurira abantu uburyo iyi ndwara imaze guhitana abatari batari bake mu bihugu bya Africa y'uburengerazuba yakwirindwa.