Igipolisi cerekanye uwukekwa kwica abantu 6 mu Ruhango

Image caption Igihe abantu 6 biciwe icarimwe bashingurwa mu Ruhango

BARIBWIRUMUHUNGU Steven, umusore w'imyaka 28 arerwa ko yishe umugore n'abana be 5 mu mpera z'ukwezi gushize, amaze igihe gito atorotse gereza ya Mpanga aho yari afunganywe na nyiri umuryango wishwe sylvestre NGAYABERURA.

Mu magambo ye, avuga uburyo yaje kuza kwihisha kwa NGAYABERURA nyuma yo gutoroka gereza atarangije igihano cy'imyaka 20 yari yarahawe kandi na none ku cyaha cyo kwica umuntu.

Steven BARIBWIRUMUHUNGU, yazanywe imbere y'abanyamakuru yambaye amapingu, yivugiye ko uburyo yagiye yicisha icyuma canke umuhini umwe umwe.

Yavuze ko yateguye uwo mugambi kubera ko ngo bari batangiye kumusaba kuhava kugirango inzego z'ubuyobozi zitazahamutahura.

Ubwicanyi busa nubwamenyekanye hashize hafi iminsi 2, ariko kuva icyo gihe inzego z'umutekano n'iz'ubutegetsi zari zavuze ko zizahumeka abakoze ubwo bwicanyi bamenyekanye.

Abantu batanu nibo bahise bafatwa na police, muri bo hakaba hari harimo n'abo mu muryango bakekwagwaho amakimbirane ashingiye ku mitungo.

Mu cyumweru gishize Minister w'ubutabera Johnson BUSINGYE yari mu gace kabereyemo ubwo bwicanyi, aho yavuze ko ubutegetsi butazahumeka, uwakoze ayo mahano adatawe muri yombi.