Abarwayi ba ebola muri Liberia babonetse

Image caption Ebola ikomeje gutera impungenge muri Liberia

Leta ya Liberia iravuga ko abarwayi bose 17 bacyekwaho kuba baranduye ebola bari baburiwe irengero babonetse, nyuma y'aho batorokereye ikigo kivura iyi ndwara mu mpera z'icyumweru gishize.

Ministiri w'itangazamakuru, Lewis Brown, yabwiye BBC ko abo barwayi bose boherejwe ku kigo kabuhariwe kivura iyi ndwara.

Bwana Brown yavuze kandi ko abaganga 3 banduye aka gakoko basa nabagarura ubuyanja nyuma yo gukoresha umuti ukiri mu igerageza witwa Zmapp.

Uwo muti ntiwigeze ugeragezwa ku bantu, ariko ishami rya LONI ryita ku buzima ku isi, OMS, ryemeye ko ukoreshwa kubera ko nta muti uzwi uvura ebola ubaho.

Inganda zikora Zmapp ziravuga ko umuti zari zifite warangiye.