Isiraheli yishe abakuru 3 ba Hamas

Uwufise ububasha kw’isanamu Reuters
Image caption Isiraheli ikomeje kugaba ibitero by'indege kuri Gaza

Igitero cy'indege cya Isiraheli i Gaza cyahitanye abasirikare bakuru 3 bo mu mutwe w'abanyapalestina, Hamas.

Iki gitero cyagabwe mu gitondo kare cyasenye inzu y'amagorofa 4 yari iri mu gace gatuwemo cyane ka Rafah.

Isiraheli yavuze ko abo bagabo 3 bagize uruhare runini mu kongera ingufu za gisirikare za Hamas mu myaka yashize, harimo no kubaka inzira zo mu kuzimu zinjira muri Isiraheli no kwinjiza intwaro mu buryo butemewe n'amategeko.

Umuvugizi wa Hamas yavuze ko ubu bwicanyi bw'aba bagabo butazaca intege abanyapalestina.

Byibura abandi banyapalestina 4 baguye muri ibi bitero by'indege bishya i Gaza.

Muri abo bitabye Imana, 3 muri bo bari abana.