Libya: Ikibuga cy'indege cya Tripoli cyafashwe

Imirwano ku kibuga cy'indege
Image caption Imirwano ku kibuga cy'indege

Inteko ishinga amategeko ya Libya yamaganye impirimbanyi za kiyisilamu n'umutwe w'i Misrata bafatanyije gufata ikibuga cy'indege mpuzamahanga cy'i Tripoli ku murwa mukuru wa Libya.

Abashingamateka bavuze ko ari ihuriro ry'abaterabwoba, bavuga ko igikorwa cyabo kitemewe n'amategeko.

Umuvugizi w'iryo huriro nawe yavuze ko iyo nteko ishinga amategeko itemewe n'amategeko, asaba ko basubizaho akanama gakuru k'igihugu kari kiganjemo abegamiye ku matwara ya kiyisilamu.

Iryo huriro ryavuze ko ryafashe ikibuga cy'indege nubwo zahanganye n'ibitero by'indege, rivuga ko ari ibya Misiri na Emirates Arab Unies.

Ikibuga cy'indege cy'i Tripoli cyari kimaze ukwezi kurenga gifunze kubera imirwano.