Prezida Nkurunziza na Kikwete bashyizeho imipaka

Prezida Jakaya Kikwete
Image caption Prezida Jakaya Kikwete

Uyu munsi abakuru b'ibihugu by'u Burundi na Tanzania bafunguye ku mugaragaro ibimenyetso biranga urubibe rugabanya ibyo bihugu byombi.

Uwo muhango wabereye i Gikomero mu ntara ya Ngala yo muri Tanzania.

Urubibe hagati y'Uburundi na Tanzania rwariho kuva mu 1924, ariko rujya kononekara kuva mu myaka ya za 1980, hamwe hamwe bitewe n'abanyagihugu bagenda barandura imbago cyangwa uburimbi , ahandi hakazimanganwa n' imigezi yakamye.

Mw'ijambo umukuru w'Uburundi Pierre Nkurunziza yavuze, yahumurije abanyagihugu avuga ko usasanga ibintu bye byimuriwe mu kindi gihugu, azashumbushwa.

Prezida Nkurunziza na Kikwete bashyizeho isima ku bikorwa byo kubaka izo mbibi.

Biteganijwe ko ibimenyetso biranga urubibe bizarangira gushyirwaho mu kwa 11 k'uyu mwaka ku kirere kirenga km 450.