Syria: Umubare w'impunzi wiyongereye

Uwufise ububasha kw’isanamu UNCHR
Image caption Impunzi zihunga imirwano ikomeje muri Siriya

Umuryango w'abibumbye uravuga ko kugeza ubu abantu barenga miliyoni 3 bamaze guhunga intambara muri Siriya.

Ishami rya LONI ryita ku mpunzi, HCR, riravuga ko ikibazo cya Siriya aricyo kibazo cy'ubutabazi cya mbere mu bihe turimo, ariko ko ibihugu by'isi byananiwe kwita ku mpunzi ndetse n'ibihugu bicumbikiye izo mpunzi.

HCR iravuga ko benshi mu bahunze bafite ubuzima buteye ubwoba, barananiwe kandi bafite amafaranga make.

Abandi bagera kuri miliyoni 6 n'igice bakuwe mu byabo bari mu gihugu hagati, ibyo birasonura ko hafi icya kabiri cy'abanyasiriya bakuwe mu byabo.