Morsi araregwa guha Qatar inyandiko z'ubutasi

Mohamed Morsi yavanywe ku butegetsi n'igisirikare mu mwaka ushize Uwufise ububasha kw’isanamu AFP
Image caption Mohamed Morsi yavanywe ku butegetsi n'igisirikare mu mwaka ushize

Ubushinjacyaha bwo mu Misiri bwashinje Mohamed Morsi - wahoze ari umukuru w'icyo gihugu - icyaha cyo guha Qatar inyandiko zikubiyemo amabanga y'igihugu.

Morsi ari muri gereza kuva aho igisirikare kimuvaniye ku butegetsi umwaka ushize nyuma y'imyigaragambyo y'abaturage benshi bamaganaga ubutegetsi bwe basaba ko yegura.

Ishyaka akomokamo rya Muslim Brotherhood leta yararisheshe kandi benshi mu bayobozi bakuru baryo ubu barafunze; bamwe muri bo banakatiwe igihano cy'urupfu.

Igihugu cya Qatar cyari mu bihugu byari bishyigikiye cyane Mohamed Morsi n'ishyaka rye rya Muslim Brotherhood igihe yari ku butegetsi.