Amasasu yongeye kumvikana muri Ukraine

Amasezerano yo guhagarika intambara yashyiriweho umukono muri Belaruss Uwufise ububasha kw’isanamu AFP
Image caption Amasezerano yo guhagarika imirwano yashyiriweho umukono i Minsk.

Ingabo za Ukraine n'inyeshyamba zishyigikiye Uburusiya ziyirwanya zakozanyijeho zirwanira kugenzura ikibuga cy'indege cy'i Donetsk mu burasirazuba bw'icyo gihugu.

Impande zombi kandi zanakozanyijeho mu gihe gito mu mujyi wa Mariupol aho umwuka utameze neza nyuma yaho usukiweho ibisasu mu ijoro ryakeye.

Abategetsi baho, baravuga ko hari umugore wishwe naho abandi bantu batatu barakomereka.

Ibi bibangamiye cyane amasezerano yo guhagarika imirwano yari amaze amasaha arenga 36 yubahirizwa.

Mbere yuko ayo masezerano ashyirwaho umukono ku wa gatanu, izo nyeshyamba zarwanaga zerekeza mu mujyi wa Mariupol no ku kibuga cy'indege cy'i Donetsk.