Amerika igiye gutanga ingabo zo kurwanya Ebola

Muri Liberia niho Ebola imaze guhitana abantu benshi Uwufise ububasha kw’isanamu AFP
Image caption Muri Liberia niho Ebola imaze guhitana abantu benshi.

Perezida wa Leta zunze ubumwe za Amerika, Barack Obama, byitezwe ko kuri uyu wa kabiri atangaza ko agiye kwohereza abasirikare 3000 muri Liberia bo gufasha icyo gihugu kurwanya icyorezo cya Ebola.

Ibyo ni ibitangazwa n’abategetsi ba Amerika banavuga ko abo basirikare bazafasha mu gutoza abaganga no kubaka ibigo bishya byo kuvuriramo abarwayi.

Amahanga amaze igihe anengwa kugenda biguru ntege mu kurwanya icyo cyorezo muri Afurika y’Uburengerazuba.

Sierra Leone, Liberia na Guinee ni byo bihugu byibasiwe cyane n’indwara ya Ebola imaze guhitana abantu barenga 2400.

Benshi muri abo bamaze gupfa ni abo muri Liberia.

Ishami rya ONU ryita ku buzima, OMS, riherutse kuburira icyo gihugu ko abandi baturage bacyo babarirwa mu bihumbi bashobora kwandura iyo ndwara.